பொங்கல் பண்டிகை: ஞாயிற்றுக்கிழமை அட்டவணையில் மின்சார ரெயில்கள் இயக்கம்

சென்னை,

தமிழர் திருநாள், அறுவடை திருவிழா என்று அழைக்கப்படும் பொங்கல் பண்டிகை உலக தமிழர்களால் இன்று கொண்டாடப்பட்டு வருகிறது. இதனை முன்னிட்டு இன்று (14-ந்தேதி) ஞாயிற்றுக்கிழமை அட்டவணைப்படி மின்சார ரெயில்கள் இயக்கப்படுவதாக தெற்கு ரெயில்வே அறிவித்துள்ளது.

இதுகுறித்து, தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-

இன்று பொங்கல் பண்டிகை பொதுவிடுமுறையை முன்னிட்டு ஞாயிற்றுக்கிழமை அட்டவணைப்படி மின்சார ரெயில்கள் இயக்கப்படுகின்றன. அதன்படி, சென்னை சென்டிரல் - அரக்கோணம், கும்மிடிப்பூண்டி, சூலூர்பேட்டை மற்றும் சென்னை கடற்கரை - தாம்பரம், செங்கல்பட்டு வழித்தடத்தில் ஞாயிற்றுக்கிழமை அட்டவணைப்படி மின்சார ரெயில்கள் இயக்கப்படும். இவ்வாறு அதில் கூறப்பட்டுள்ளது.