பாலகிருஷ்ணாவின் 'அகண்டா 2 - வெளியான முக்கிய அப்டேட்
கடந்த 2021-ம் ஆண்டு போயபதி சீனு இயக்கத்தில் பாலகிருஷ்ணா 'அகண்டா' என்ற படத்தில் நடித்திருந்தார்.;
பிரயாக்ராஜ்,
தெலுங்கு திரையுலகில் முன்னணி நடிகராக இருப்பவர் பாலையா. இவர் தெலுங்கு திரையுலகில் இதுவரை 100-க்கும் மேற்பட்ட படங்களில் நடித்துள்ளார். கடந்த 2021-ம் ஆண்டு போயபதி சீனு இயக்கத்தில் 'அகண்டா' என்ற படத்தில் நடித்திருந்தார். இப்படம் 2021-ம் ஆண்டு வெளியான தெலுங்குப் படங்களில் அதிக வசூல் செய்த ஒன்றாக அமைந்தது. இதில் பிரக்யா ஜெய்ஸ்வால், ஜகபதி பாபு, பூர்ணா, அவினாஷ், விஜி சந்திரசேகர் உள்ளிட்டோர் நடித்திருந்தனர்.
இந்த படத்தின் மாபெரும் வரவேற்பினைத் தொடர்ந்து 2-ம் பாகத்திற்கான அறிவிப்பு வெளியாகி முதல்கட்ட படப்பிடிப்பு நடைபெற்றது. முதல் பாகத்தில் பணிபுரிந்த தொழில்நுட்பக் குழுவினரே இரண்டாம் பாகத்திலும் பணிபுரிகின்றனர். இந்த படத்திற்கு தமன் இசையமைக்கிறார்.
இப்படம் வரும் செப்டம்பர் மாதம் 25-ந் தேதி வெளியாக உள்ளநிலையில், கும்பமேளாவை முன்னிட்டு உத்தரபிரதேசத்தில் உள்ள பிரயாக்ராஜில் இதன் அடுத்தக்கட்ட படப்பிடிப்பு துவங்கியுள்ளது. இதனை படக்குழு புதிய போஸ்டர் வெளியிட்டு தெரிவித்துள்ளது.