ஐபிஎல் 2023: பெங்களூரு அணியில் இணைந்த நியூசிலாந்து ஆல்-ரவுண்டர்..!

16வது ஐபிஎல் தொடர் வரும் 31-ம் தேதி தொடங்க உள்ளது. 10 அணிகள் பங்கேற்கும் ஐபிஎல் தொடருக்காக பல்வேறு அணி வீரர்களும் தயாராகி வருகின்றனர் இதனிடையே, நடப்பு ஐபிஎல் தொடரில் இருந்து பெங்களூரு ஆல்-ரவுண்டர் விலகியுள்ளார். இங்கிலாந்து அணியின் ஆல்-ரவுண்டரான வில் ஜாக்சை நடப்பு ஐபிஎல் தொடரில் பெங்களூரு அணி 3 கோடியே 20 லட்ச ரூபாய்க்கு ஏலம் எடுத்தது. வில் ஜாக்ஸ் நடப்பு ஐபிஎல் தொடரில் விளையாடுவார் என எதிர்பார்க்கப்பட்டது. இந்நிலையில், நடப்பு ஐபிஎல் தொடரில் இருந்து வில் ஜாக்ஸ் விலகியுள்ளார். வங்காளதேசத்திற்கு எதிரான ஒருநாள் போட்டியின் போது வில் ஜாக்சனுக்கு சதைப்பகுதியில் காயம் ஏற்பட்டது. இதன் காரணமாக அவர் ஓய்வு எடுக்க மருத்துவக்குழுவினர் பரிந்துரைத்தனர்.

இந்த நிலையில் நடப்பு ஐபிஎல் தொடரில் பெங்களூரு அணியில் இருந்து வில் ஜாக்சன் விலகியுள்ளார்.தற்போது அவருக்கு பதிலாக நியூசிலாந்து ஆல்ரவுண்டர் மைக்கேல் பிரேஸ்வெல்லை பெங்களூரு அணி தேர்வு செய்துள்ளது.

பிரேஸ்வெல் அடிப்படை விலையான ரூ.1 கோடிக்கு பெங்களூரு இணைகிறார்.பிரேஸ்வெல் இதற்கு முன்பு ஐபிஎல்லில் விளையாடியதில்லை.

சமீபத்தில் நடந்த இந்தியாவுக்கு எதிரான டி20 தொடரில் நியூசிலாந்து அணிக்கு அதிக விக்கெட்டுகளை வீழ்த்தியவர். மேலும் இந்தியாவுக்கு எதிரான ஒருநாள் போட்டியில் அவர் சதம் அடித்து 140 ரன்கள் குவித்தார்.