சையத் முஷ்டாக் அலி கோப்பை இறுதிப்போட்டி: மும்பை - மத்தியபிரதேசம் இன்று மோதல்

பெங்களூரு,

17-வது சையத் முஷ்டாக் அலி டி20 கிரிக்கெட் தொடரில் சாம்பியன் யார் என்பதை நிர்ணயிக்கும் இறுதிப்போட்டி பெங்களூருவில் உள்ள சின்னசாமி ஸ்டேடியத்தில் இன்று நடக்கிறது. இதில் முன்னாள் சாம்பியன் மும்பை-மத்தியபிரதேசம் அணிகள் மோதுகின்றன. ஸ்ரேயாஸ் அய்யர் தலைமையிலான மும்பை அரையிறுதியில் பரோடாவை 6 விக்கெட் வித்தியாசத்தில் வீழ்த்தி இறுதிப்போட்டிக்கு முன்னேறியது.

ரஜத் படிதார் தலைமையிலான மத்தியபிரதேசம், அரைஇறுதியில் 7 விக்கெட் வித்தியாசத்தில் டெல்லியை தோற்கடித்து 2-வது முறையாக இறுதிப்போட்டிக்குள் நுழைந்தது.

வலுவான இரு அணிகள் மோதும் இந்த ஆட்டத்தில் பரபரப்புக்கு பஞ்சம் இருக்காது. மாலை 4.30 மணிக்கு தொடங்கும் இந்த ஆட்டத்தை ஸ்போர்ட்ஸ் 18 சேனல் நேரடி ஒளிப்பரப்பு செய்கிறது.