மோட்டார் சைக்கிள் மோதி தொழிலாளி சாவு

நாமக்கல் குட்டைத்தெருவை சேர்ந்தவர் துளசிநாயுடு (வயது 82). லாரி பட்டறை தொழிலாளி. இவர் நேற்று நாமக்கல்-சேலம் சாலையை கடக்க முயன்றார். அப்போது பஸ் நிலையம் நோக்கி வந்த மோட்டார் சைக்கிள் இவர் மீது மோதியது. இதில் படுகாயம் அடைந்த அவரை அக்கம்பக்கத்தில் உள்ளவர்கள் மீட்டு நாமக்கல் அரசு மருத்துவ கல்லூரி மருத்துவமனைக்கு அனுப்பி வைத்தனர். அங்கு சிகிச்சை பலன்இன்றி துளசிநாயுடு பரிதாபமாக இறந்தார். இந்த விபத்து குறித்து அவரது மகன் மாது (40) நாமக்கல் போலீசில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.