பெண்ணிடம் 4 பவுன் நகை பறிப்பு

பனரத்துப்பட்டி பேரூராட்சிக்குட்பட்ட நல்லியாம்புதூர் பகுதியை சேர்ந்தவர் பாஸ்கர். இவருடைய மனைவி சுகந்தி (வயது 44). தையல் தொழிலாளி. இவர் நேற்று முன்தினம் இரவு பனமரத்துப்பட்டி அருகே தாசநாயக்கன்பட்டியில் உள்ள மருத்துவமனைக்கு சென்று விட்டு தனது மொபட்டில் வீட்டுக்கு திரும்பி வந்து கொண்டு இருந்தார். அப்போது அவர் நல்லியாம்புதூர் பிரிவு அருகே வந்த போது பின்னால் மோட்டார் சைக்கிளில் வந்த 2 மர்ம நபர்கள் சுகந்தி கழுத்தில் இருந்த 4 பவுன் தங்க சங்கிலியை பறித்து சென்றனர். இது குறித்த புகாரின் பேரில் பனமரத்துப்பட்டி போலீசார் வழக்குப்பதிவு செய்து மர்ம நபர்களை தேடி வருகின்றனர்.