வாகனம் மோதி பெண் பலி; கணவர் படுகாயம்

மேலூர்

மதுரை பழங்காநத்தம் நேரு நகரை சேர்ந்தவர் பாலமுருகன். இவரது மனைவி மீனாட்சி (வயது 27). இவர்கள் இருவரும் மோட்டார் சைக்கிளில் மேலூருக்கு வந்துள்ளனர். நான்கு வழி சாலையில் தெற்குதெரு என்னுமிடத்தில் நள்ளிரவு 1 மணியளவில் வந்தபோது அவர்கள் பின்னால் வந்த ஏதோ ஒரு வாகனம், மோட்டார் சைக்கிளில் மோதி விட்டு நிற்காமல் சென்று விட்டது. இந்த விபத்தில் மீனாட்சி சம்பவ இடத்திலேயே துடிதுடித்து இறந்தார். இதில் பாலமுருகன் படுகாயம் அடைந்து உயிருக்கு போராடினார்.

இது குறித்து தகவல் அறிந்ததும் சுங்கச்சாவடி ரோந்து படை கார்த்திகேயன் தலைமையில் குழுவினர், மேலூர் தனிப்பிரிவு போலீஸ் ஏட்டு தினேஷ்குமார் ஆகியோர் சம்பவ இடத்துக்கு விரைந்து சென்றனர். அங்கு உயிருக்கு போராடிய பாலமுருகனை மீ்ட்டு சிகிச்சைக்காக மேலூர் அரசு ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்படுகிறது. இந்த விபத்து குறித்து மேலூர் போலீசார் வழக்கு பதிவு செய்து விசாரணை நடத்தி வருகின்றனர்.