நலத்திட்ட உதவிகள் வழங்கும் விழா

தென்காசி சன் அறக்கட்டளை சார்பில் நலத்திட்ட உதவிகள் வழங்கும் நிகழ்ச்சி தென்காசியில் உள்ள தனியார் திருமண மண்டபத்தில் நடைபெற்றது. அறக்கட்டளை நிறுவனர் ஆடிட்டர் நாராயணன் வரவேற்றார். குற்றாலம் விவேகானந்தா ஆசிரம நிர்வாகி அகிலானந்த சுவாமி, வருமான வரி துணை ஆணையர் டேனியல் ராஜ், உதவி ஆணையர் ராம்குமார், அலுவலர் சசிகுமார் ஆகியோர் சிறப்பு அழைப்பாளர்களாக கலந்து கொண்டனர்.

நிகழ்ச்சியில் சேவை தேன் துளிகள் என்ற இதழை சுவாமி அகிலானந்தர் வெளியிட வருமான வரி துணை ஆணையர் டேனியல் ராஜ் பெற்றுக்கொண்டார்.

இதில் வக்கீல் கனகசபாபதி, தென்காசி சாந்தி ஆஸ்பத்திரி நிறுவனர் டேவிட் செல்லதுரை, மீரான் ஆஸ்பத்திரி நிர்வாக இயக்குனர் டாக்டர் அப்துல் அஜீஸ், தமிழ் செம்மல் விருது பெற்ற சிவராமகிருஷ்ணன், அரசு ஒப்பந்ததாரர் அருணாச்சலம், தொழிலதிபர் வல்லம் பாலகிருஷ்ணன் உள்பட பலர் கலந்து கொண்டனர்.