நெல்லையில் கவர்னர் ஆர்.என்.ரவிக்கு வரவேற்பு

நெல்லை:

தமிழக கவர்னர் ஆர்.என்.ரவி நேற்று தூத்துக்குடி, தென்காசி மாவட்டங்களில் பல்வேறு நிகழ்ச்சிகளில் கலந்து கொண்டார். இதையொட்டி அவர், தூத்துக்குடியில் இருந்து தென்காசி செல்லும் வழியில் நெல்லை வண்ணார்பேட்டை அரசினர் சுற்றுலா மாளிகைக்கு மதியம் வந்தார். அங்கு கவர்னருக்கு நெல்லை மாவட்ட நிர்வாகம் சார்பில், மாவட்ட கலெக்டர் விஷ்ணு புத்தகம், பூங்கொத்து வழங்கி வரவேற்றார்.

மாவட்ட போலீஸ் சூப்பிரண்டு சரவணன், மாநகராட்சி ஆணையாளர் சிவகிருஷ்ணமூர்த்தி, மாவட்ட வருவாய் அலுவலர் ஜெயஸ்ரீ, மாநகர போலீஸ் கிழக்கு பகுதி துணை கமிஷனர் சீனிவாசன், நெல்லை உதவி கலெக்டர் சந்திரசேகர், பாளையங்கோட்டை தாசில்தார் ஆவுடையப்பன் மற்றும் பலர் கலந்து கொண்டனர். பின்னர் மாலையில் கவர்னர் தென்காசிக்கு புறப்பட்டு சென்றார்.