பஸ் மோதி கிராம உதவியாளர் பலி

பழனி அருகே உள்ள நெய்க்காரப்பட்டியில், கிராம உதவியாளராக இருந்தவர் முருகேஷ் (வயது 58). நேற்று முன்தினம் மாலை இவர், நெய்க்காரப்பட்டி பஸ் நிறுத்தம் அருகே மோட்டார் சைக்கிளில் சென்று கொண்டிருந்தார். அப்போது பழனியில் இருந்து பெருமாள்புதூர் நோக்கி சென்ற தனியார் பஸ், மோட்டார் சைக்கிள் மீது மோதியது. இதில், முருகஷே் படுகாயம் அடைந்தார்.

இது குறித்து தகவல் அறிந்த பழனி தாலுகா போலீசார் சம்பவ இடத்துக்கு விரைந்தனர். பின்னர் உயிருக்கு போராடிய முருகேஷை மீட்டு, சிகிச்சைக்காக பழனி அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி முருகேஷ் பரிதாபமாக இறந்தார். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.