சந்தனப் பேழையில் வைத்து விஜயகாந்த் உடல் நல்லடக்கம்

குடும்பத்தினர், உறவினர்கள் கண்ணீர்மல்க விடைகொடுக்க.. விஜயகாந்த் உடல் நல்லடக்கம் செய்யப்பட்டது.

பாதுகாப்பு பணிக்கு வந்திருந்த காவலர்கள் இறுதி அஞ்சலி செலுத்தினர்.

தேமுதிக அலுவலகத்திற்கு வெளியே திரண்டிருந்த தொண்டர்கள் மற்றும் பொதுமக்கள், செல்போன் டார்ச் லைட்டுகளை ஒளிரவிட்டு விஜயகாந்த் மீதான அன்பை வெளிப்படுத்தினர்.

சந்தனப் பேழையில் வைக்கப்பட்ட விஜயகாந்த் உடலுக்கு அவரது மகன்கள் மற்றும் குடும்பத்தினர் இறுதிச்சடங்கு செய்தனர்.

விஜயகாந்த் உடலுக்கு முதல்-அமைச்சர், அமைச்சர்கள் மற்றும் அரசியல் தலைவர்கள் முன்னிலையில் அரசு மரியாதை அளிக்கப்பட்டது. 72 குண்டுகள் முழங்க முழு அரசு மரியாதை அளிக்கப்பட்டது. 24  போலீசார் மூன்று முறை வானத்தை நோக்கி துப்பாக்கியால் சுட்டு மரியாதை செலுத்தினர்.

விஜயகாந்தின் உடலுக்கு மலர் வளையம் வைத்து முதல்-அமைச்சர் மு.க.ஸ்டாலின் இறுதி அஞ்சலி செலுத்தினார்.

தேமுதிக தலைவர் விஜயகாந்தின் இறுதி ஊர்வலம் தேமுதிக தலைமை அலுவகம் வந்தடைந்தது. இன்னும் சில நிமிடங்களில் முழு அரசு மரியாதையுடன் நல்லடக்கம் செய்யப்படுகிறது.