புகையிலை பொருட்கள் விற்றவர் கைது

உடையார்பாளையம்:

அரியலூர் மாவட்டம், உடையார்பாளையம் போலீஸ் சப்-இன்ஸ்பெக்டர் திருவேங்கடம் மற்றும் போலீசார் உடையார்பாளையம் கடைவீதியில் ரோந்து பணியில் ஈடுபட்டனர். அப்போது இடையார் கிராமத்தை சேர்ந்த ஜெய்சங்கர்(வயது 46), உடையார்பாளையம் தெற்கு பள்ளி அருகில் அரசால் தடை செய்யப்பட்ட புகையிலை பொருட்களை விற்றது போலீசாருக்கு தெரியவந்தது. இது குறித்து போலீசார் வழக்குப்பதிந்து ஜெய்சங்கரை கைது செய்து, அவரிடம் இருந்த புகையிலை பொருட்களை பறிமுதல் செய்தனர்.