திருவண்ணாமலையில் 63.5 மில்லி மீட்டர் மழை

திருவண்ணாமலையில் 63.5 மில்லி மீட்டர் மழை பதிவாகி உள்ளது.

திருவண்ணாமலை மாவட்டத்தில் கடந்த சில தினங்களாக மாவட்டத்தின் பல்வேறு பகுதிகளில் பலத்த மற்றும் மிதமான மழை பெய்து வருகிறது. அதன்படி நேற்று முன்தினம் திருவண்ணாமலை மட்டுமின்றி பல்வேறு பகுதிகளில் பலத்த மழையும் மிதமான மழையும் பெய்துள்ளது. இதில் அதிகபட்சமாக திருவண்ணாமலையில் 63.5 மில்லி மீட்டர் மழை அளவு பதிவாகியுள்ளது. மற்ற பகுதிகளில் பெய்த மழையின் அளவு மில்லி மீட்டரில் வருமாறு:- தண்டராம்பட்டு - 15.6, கீழ்பென்னாத்தூர் - 13, செங்கம் - 10.8, போளூர் - 2.2, சேத்துப்பட்டு - 1.4 ஆகும்.