சிவில் சர்வீசஸ் தேர்வில் திருவேங்கடத்தை சேர்ந்தவர் வெற்றி

திருவேங்கடம்:

சிவில் சர்வீசஸ் தேர்வு இறுதி முடிவுகள் நேற்று வெளியிடப்பட்டன. இதில் தென்காசி மாவட்டம் திருவேங்கடம் மகாத்மாகாந்தி நகரை சேர்ந்த ரங்கராஜ்-தனலட்சுமி தம்பதியரின் மகன் ராமகிருஷ்ணசாமி (வயது 28) தேர்ச்சி பெற்று உள்ளார்.

இவர் 2019-ம் ஆண்டு தமிழ்நாடு அரசு பணியாளர் தேர்வாணையம் நடத்திய பொறியியல் துறை பணியாளர்களுக்கான தேர்வில் வெற்றி பெற்று நாமக்கல் மாவட்ட தொழில் மையத்தில் உதவி பொறியாளராக பணியாற்றி வருகிறார். அதன்பிறகு 3 முறை சிவில் சர்வீசஸ் தேர்வு எழுதிய அவர் அதில் தோல்வியை தழுவிய போதிலும் விடாமுயற்சியுடன் செயல்பட்டு 4-வது முறையான தற்போது வெற்றி பெற்று உள்ளார். அவர் அகில இந்திய அளவில் 117-வது இடமும், தமிழக அளவில் 2-வது இடமும் பிடித்து சாதனை படைத்துள்ளார்.