தூத்துக்குடியில்டிரைவர் மர்மச்சாவு

தூத்துக்குடி நேதாஜிநகர் 1-வது தெருவை சேர்ந்தவர் சண்முகவேல். இவருடைய மகன் ராஜே ஷ் (வயது 45). இவர் டிரைவராக வேலை பார்த்து வந்தார். சமீபத்தில் சரிவர வேலைக்கு செல்லாமல் இருந்து வந்தாராம். இவர் அடிக்கடி அன்னை இந்திராநகர் 4-வது தெருவில் உள்ள தனது நண்பருடன் சேர்ந்து மது குடித்து வந்ததாக கூறப்படுகிறது. நேற்று அன்னை இந்திராநகர் பகுதியில் தலையில் பலத்த காயத்துடன் இறந்த நிலையில் கிடந்தார்.

இது குறித்து தகவல் அறிந்த தூத்துக்குடி சிப்காட் போலீசார் சம்பவ இடத்துக்கு சென்று உடலை மீட்டு சிகிச்சைக்காக தூத்துக்குடி அரசு ஆஸ்பத்திரிக்கு அனுப்பி வைத்தனர். தொடர்ந்து சந்தேக மரணம் வழக்கு பதிவு செய்து விசாரணை நடத்தி வருகின்றனர். ராஜே ஷ் அடித்து கொலை செய்யப்பட்டாரா, தவறி விழுந்து இறந்தாரா என்பது குறித்து போலீசார் தீவிர விசாரணை நடத்தி வருகின்றனர். இது தொடர்பாக அவரது நண்பர் செந்தில் என்பவரை பிடித்து போலீசார் விசாரணை நடத்தி வருகின்றனர். பிரேத பரிசோதனை அறிக்கையின் அடிப்படையில் வழக்கில் அடுத்தக்கட்ட விசாரணை மேற்கொள்ளப்படும் என்றும் கூறப்படுகிறது.