குருவார பிரதோஷ வழிபாடு

நீடாமங்கலம்;

நீடாமங்கலம் வட்டம் பூவனூர் சதுரங்கவல்லபநாதர் கோவிலில் குரு வார பிரதோஷ சிறப்பு வழிபாடு நடைபெற்றது. இதை முன்னிட்டு கற்பகவல்லி, ராஜராஜேஸ்வரி சமேத சதுரங்கவல்லபநாதர், நந்திகேஸ்வரர் சன்னதிகளில் சிறப்பு அபிஷேக, ஆராதனைகள் நடந்தது. இதைப்போல நீடாமங்கலம் காசிவிசுவநாதர் கோவிலில் குருவார பிரதோஷ சிறப்பு வழிபாடு நடைபெற்றது. இதில் விசாலாட்சி காசிவிசுவநாதர், பிரதோஷ நாயகருக்கு சிறப்பு அபிஷேக, ஆராதனைகள் நடந்தது. ஆலங்குடி குருபரிகார கோவிலில் குருவார பிரதோஷ சிறப்பு வழிபாடு நடைபெற்றது. இதை முன்னிட்டு ஆபத்சகாயேஸ்வரர், ஏலவார் குழலியம்மன், நந்திகேஸ்வரர் சன்னதிகளில் அபிஷேக, ஆராதனைகள் நடந்தது. இதைப்போல பூவனூர் கல்யாணி அம்மன் கைலாசநாதர் கோவில், நீடாமங்கலம் கோகமுகேஸ்வரர் கோவில், நரிக்குடி எமனேஸ்வரர் கோவில் உள்ளிட்ட சிவாலயங்களிலும் குருவார பிரதோஷ சிறப்பு வழிபாடு நடந்தது.