அரசு பஸ் மோதி வாலிபர் பலி

நெல்லிக்குப்பம், 

பஸ் மோதல்

கடலூர் அருகே உள்ள தோட்டப்பட்டு காலனி பகுதியை சேர்ந்தவர் இளையராஜா (வயது 30). இவர் நேற்று முன்தினம் நள்ளிரவு அதே பகுதியில் உள்ள கடலூர்-பண்ருட்டி சாலையில் நடந்து சென்று கொண்டிருந்தார். அப்போது அவர், சாலையை கடக்க முயன்றபோது, கடலூரில் இருந்து சேலம் நோக்கி சென்ற அரசு பஸ் இளையராஜா மீது மோதியது.

வாலிபர் பலி

இந்த விபத்தில் பலத்த காயமடைந்த இளையராஜாவை அக்கம் பக்கத்தினர் மீட்டு சிகிச்சைக்காக கடலூர் அரசு மருத்துவமனைக்கு அனுப்பி வைத்தனர். அங்கு அவருக்கு டாக்டர்கள் தீவிர சிகிச்சை அளித்தும் பலனின்றி இளையராஜா பரிதாபமாக உயிரிழந்தார். இதுகுறித்த புகாரின்பேரில் நெல்லிக்குப்பம் போலீசார் வழக்குப்பதிவு செய்து விசாரணை நடத்தி வருகின்றனர்.