கஞ்சா விற்ற வாலிபர் கைது

பந்தலூர்,

பந்தலூர் தாலுகா எருமாடு அருகே ஓனிமூலாவில் கஞ்சா விற்பனை செய்யப்படுவதாக தேவாலா போலீசாருக்கு ரகசிய தகவல் கிடைத்தது. அதன்படி போலீஸ் துணை சூப்பிரண்டு செந்தில்குமார், போலீஸ் இன்ஸ்பெக்டர் திருஞானசம்பந்தம், சப்-இன்ஸ்பெக்டர் தினேஷ்குமார் மற்றும் போலீசார் சம்பவ இடத்திற்கு விரைந்து சென்று சோதனை நடத்தினர். அங்கு நின்று கொண்டு கஞ்சா விற்ற ஓனிமூலா பகுதியை சேர்ந்த அஜீத் (வயது 25) என்பவரை போலீசார் கைது செய்தனர். அவரிடம் இருந்து 1½ கிலோ கஞ்சா பறிமுதல் செய்யப்பட்டது.