நரசிம்மர் கோவிலில் சுவாதி பூஜை

பாவூர்சத்திரம்:

கீழப்பாவூர் நரசிம்மர் கோவிலில் சுவாதி நட்சத்திர சிறப்பு பூஜை நடைபெற்றது. இதையொட்டி மாலையில் 16 வகையான மூலிகைகளால் மூலமந்திர ஹோமம், விஷ்ணு சூக்த ஹோமம், மன்யு சூக்த ஹோமம், பாக்ய சூக்த ஹோமம், மகாலட்சுமி ஹோமம் ஆகியன நடந்தன. தொடர்ந்து சிறப்பு அபிஷேகமும், பெருமாள் சப்பரத்தில் தீர்த்தவலம் வருதல், தீபாராதனை நடைபெற்றது. இதில் திரளான பக்தர்கள் கலந்து கொண்டனர். ஏற்பாடுகளை இந்து சமய அறநிலையத்துறையினர் செய்திருந்தனர்.