நாமக்கல்:
புதுச்சத்திரம் அருகே உள்ள கண்ணூர்பட்டி அண்ணா நகர் காலனியில் வசித்து வந்தவர் செல்வராஜ் (வயது 47). இவர் குமரவேலிபாளையத்தில் உள்ள டாஸ்மாக் கடையில் விற்பனையாளராக பணியாற்றி வந்தார். இவருக்கு விஜயா என்ற மனைவியும், ஒரு மகன் மற்றும் ஒரு மகள் உள்ளனர். நேற்று வீட்டில் தனியாக இருந்த செல்வராஜ் திடீரென தூக்குப்போட்டு தற்கொலை செய்து கொண்டார். அவருடைய உடலை புதுச்சத்திரம் போலீசார் கைப்பற்றி பிரேத பரிசோதனைக்காக ராசிபுரம் அரசு ஆஸ்பத்திரிக்கு அனுப்பி வைத்தனர். மேலும் அவர் தற்கொலைக்கான காரணம் குறித்து வழக்குப்பதிவு செய்து விசாரணை நடத்தி வருகின்றனர்.