பாளையங்கோட்டை:
பாளையங்கோட்டையில், அனைத்து குருசாமி அடிகளார் சிறப்பு அய்யப்ப பூஜை நடந்தது. இதையொட்டி சுவாமி அய்யப்பனுக்கு சிறப்பு அபிஷேக, அலங்காரம் மற்றும் தீபாராதனை நடந்தது. மாலையில் அய்யப்ப சுவாமிக்கு அப்பம், லட்டுகள், முறுக்கு மற்றும் பழங்கள் படையலிடப்பட்டது. தொடர்ந்து லட்சுமி பூஜையும், 108 திருவிளக்கு பூஜையும், இரவு சகஸ்ரநாம அர்ச்சனையும் நடந்தது. பஜனை, புஷ்பாஞ்சலி, சிறப்பு அலங்கார தீபாராதனையும் நடந்தது. இந்த பூஜைகளை குருசாமிகள் அப்பனசாமி, உமாபதி சிவன் ஆகியோர் நடத்தினார்கள். இந்த பூஜையில் ஏராளமான அய்யப்ப பக்தர்கள் கலந்து கொண்டு சாமி தரிசனம் செய்தனர்.