கனரக லாரி பறிமுதல்

கடையம்:

கடையம் ரெயில் நிலையம் செல்லும் பகுதியில் ஜல்லி கல்கள் ஏற்றி கொண்டு ஒரு கனரக லாரி வந்து கொண்டு இருந்தது. அந்த லாரியை கேரளாவை சேர்ந்த ரெஞ்சு (வயது 23) என்பவர் ஓட்டினார். கடையம் குமரேசநகர் பகுதியைச் சேர்ந்தவர் பிரகாஷ். இவர் மோட்டார் சைக்கிளில் வந்து கொண்டு இருந்தது. அப்போது, கண் இமைக்கும் நேரத்தில் லாரியின் பின்பக்க டயர் மோட்டார் சைக்கிள் மீது மோதியதாக கூறப்படுகிறது. இதில் மோட்டார் சைக்கிள் அப்பளம் போல் நொறுங்கியது. இந்த சம்பவத்தில் அதிர்ஷ்டவசமாக பிரகாஷ் உயிர் தப்பினார்.

இந்த சம்பவம் பற்றி தகவல் அறிந்த கடையம் போலீசார் சம்பவ இடத்திற்கு வந்து விசாரணை மேற்கொண்டு லாரியை பறிமுதல் செய்து காவல் நிலையத்திற்கு கொண்டு சென்றனர். மேலும் இதுகுறித்து விசாரணை மேற்கொண்டு வருகின்றனர்.