திருவேங்கடம் ஸ்ரீகலைவாணி பள்ளி அணி சாதனை

திருவேங்கடம்:

தென்காசி ஐ‌.சி.‌ஐ. அரசு ஆண்கள் மேல்நிலைப் பள்ளியில் தமிழக அரசு சார்பாக மாவட்ட அளவிலான விளையாட்டு போட்டிகள் நடைபெற்றது. தென்காசி மாவட்டத்திலிருந்து அரசு மற்றும் தனியார் உயர்நிலை மற்றும் மேல்நிலைப்பள்ளி மாணவ-மாணவிகள் அணிகள் கலந்து கொண்டன.

இதில் பால் பேட்மிட்டன் போட்டியில் ஸ்ரீகலைவாணி மெட்ரிக் மேல்நிலைப்பள்ளி மாணவர் ஜூனியர் ஆண்கள் அணியும், மாணவிகள் ஜூனியர் பெண்கள் அணியும் மாவட்ட அளவில் முதலிடம் பெற்று சாதனை படைத்தனர். இரண்டு அணிகளும் மாநில அளவில் விளையாட தகுதி பெற்றுள்ளார்கள் என்பது குறிப்பிடத்தக்கது.

வெற்றி பெற்ற அணிகளை பள்ளி முதல்வரும், தாளாளருமான வி.பொன்னழகன் என்ற கண்ணன், உடற்கல்வி ஆசிரியர்கள், ஆசிரிய - ஆசிரியைகள் பாராட்டினர்.