பவானி அருகே ஜம்பை பகுதியில் உள்ள ஒரு தோட்டத்தில் சேவல் சண்டை சூதாட்டம் நடப்பதாக பவானி போலீசாருக்கு தகவல் கிடைத்தது. அதைத்தொடர்ந்து போலீசார் அங்கு சென்று பார்த்தபோது 4 பேர் சேவல்களுக்கு சண்டை வைத்து சூதாட்டம் நடத்திக்கொண்டிருந்தனர்.
அவர்களை பிடித்து போலீசார் விசாரித்தனர். விசாரணையில் அவர்கள் பவானி பூக்கடை அருகே உள்ள வடக்கு பள்ளி வீதியைச் சேர்ந்த சிகாமணி என்பவரின் மகன் செந்தில் (வயது 47), பூக்கடையை சேர்ந்த ஆண்டியப்பன் என்பவர் மகன் கோகுல் (20), ஒரிச்சேரி புதூரை சேர்ந்த தண்டபாணி என்பவரின் மகன் கதிர்வேல் (30), பவானி பகுதியை சேர்ந்த சங்கர் (54) ஆகியோர் என்பது தெரியவந்தது. அதைத்தொடர்ந்து அவர்கள் 4 பேரையும் போலீசார் கைது செய்தனர். மேலும் அவர்களிடம் இருந்து 2 சேவல்கள் பறிமுதல் செய்யப்பட்டது.