நகராட்சி அலுவலகத்தில் பொங்கல் விழா

ஜோலார்பேட்டை நகராட்சி அலுவலகத்தில் சமத்துவ பொங்கல் விழா நேற்று நடைபெற்றது. இதில் நகராட்சி பணியாளர்கள் நகர மன்ற உறுப்பினர்கள் உள்ளிட்ட பலர் கலந்து கொண்டனர். நகர மன்ற தலைவர் மா.காவியா விக்டர் பங்கேற்று புது பானையில் புத்தரிசி இட்டு பொங்கல் வைத்தார். மேலும் பொங்கல் பொங்கி வரும் போது பொங்கலோ பொங்கல் என்ன குலவை இட்டு சமத்துவ பொங்கல் மகிழ்ச்சியை வெளிப்படுத்தினர். இதனைத் தொடர்ந்து படையல் இட்டு அனைவருக்கும் இனிப்பு பொங்கல் வழங்கப்பட்டு பொங்கல் வாழ்த்துக்களை பரிமாறிக் கொண்டனர். இந்த நிகழ்ச்சியின் போது நகராட்சி ஆணையர் பழனி, நகர மன்ற துணைத் தலைவர் பெ.இந்திரா பெரியார்தாசன், நகராட்சி பொறியாளர் கோபு உள்ளிட்ட நகர மன்ற உறுப்பினர்கள் நகராட்சி அலுவலர்கள் துப்புரவு பணியாளர்கள் என பலர் கலந்து கொண்டனர்.