வெண்பன்றி வளர்ப்பு பயிற்சி; 13-ந்தேதி நடக்கிறது

பெரம்பலூர் அருகே உள்ள கால்நடை மருத்துவ பல்கலைக்கழக ஆராய்ச்சி மையம் சார்பில் ஒரு அறிக்கை வெளியிடப்பட்டுள்ளது. அதில் கூறப்பட்டு இருப்பதாவது:- கால்நடை மருத்துவப் பல்கலைக்கழக ஆராய்ச்சி மையத்தின் சார்பில் வெண்பன்றி வளர்ப்பு குறித்த இலவச ஒரு நாள் பயிற்சி முகாம் எளம்பலூர் ஊராட்சிக்கு உட்பட்ட பகுதியில் செங்குணம் கைகாட்டி எதிர்புறத்தில் அமைந்துள்ள கால்நடை மருத்துவப் பல்கலைக்கழக ஆராய்ச்சி மையத்தில் வருகிற 13-ந்தேதி நடைபெறஉள்ளது. இதில் வெண்பன்றி வளர்ப்பு, அவற்றின் இனங்கள் மற்றும் இனப்பெருக்க மேலாண்மை, தீவன மேலாண்மை, கொட்டகை அமைக்கும் முறை, பராமரிக்கும் முறை மற்றும் நோய்த் தடுப்பு முறைகள் குறித்து பயிற்சி அளிக்கப்பட உள்ளது. இந்தப்பயிற்சியில் சேர விரும்புவோர் வேலை நாட்களில் காலை 10 மணிக்கு மேல் கால்நடை மருத்துவ பல்கலைக்கழக பயிற்சி மற்றும் ஆராய்ச்சி மையத்திற்கு நேரில் அல்லது 9385307022 என்ற செல்பேசியில் தொடர்பு கொண்டு பெயர் பதிவுசெய்து, கலந்து கொண்டு பயன்பெறலாம். பயிற்சியில் கலந்து கொள்ள வரும்போது ஆதார் எண் தெரிவிக்க வேண்டும். இவ்வாறு அதில் தெரிவிக்கப்பட்டுள்ளது.