நாய்கள் தொல்லையால் பொதுமக்கள் அவதி

அருப்புக்கோட்டை

அருப்புக்கோட்டை மற்றும் அதன் சுற்று வட்டார பகுதிகளில் கடந்த சில மாதங்களாக தெரு நாய்களின் தொல்லை அதிகரித்துள்ளது. பொதுமக்களை நாய்கள் கடிக்கும் செயலும் அதிகரித்து வருகிறது. இதுகுறித்து நகராட்சி, ஊராட்சி அதிகாரிகளிடம் பொதுமக்கள் பலமுறை புகார் கூறியும் ஒரு நடவடிக்கையும் எடுக்கவில்லை என குற்றம் சாட்டுகின்றனர். பாளையம்பட்டி முத்தரையர்நகர் பகுதியில் தெரு நாய்கள் சண்டையிட்டு கொண்டு கூட்டம், கூட்டமாக சுற்றி வருகின்றன. இதனால் பெண்கள், குழந்தைகள், வயதானவர்கள் தெருக்களில் நடந்து செல்ல அவதிப்படுகின்றனர். எனவே தெருநாய்களை கட்டுப்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.