வேப்பந்தட்டை:
பெரம்பலூர் மாவட்டம், வேப்பந்தட்டையை அடுத்துள்ள பசும்பலூரை சேர்ந்தவர் பழனிமுத்து(வயது77). இவர் நேற்று பசும்பலூரில் சாலையில் நடந்து சென்று கொண்டிருந்தார். அப்போது வி.களத்தூரில் இருந்து ஆத்தூர் நோக்கி ெசன்ற அரசு பஸ் பழனிமுத்து மீது மோதியது. இதில் படுகாயம் அடைந்த பழனிமுத்துவை அருகில் இருந்தவர்கள் மீட்டு சிகிச்சைக்காக பெரம்பலூர் அரசு ஆஸ்பத்திரியில் சேர்த்தனர். ஆனால் அங்கு சிகிச்சை பலனின்றி பழனிமுத்து பரிதாபமாக உயிரிழந்தார். இந்த சம்பவம் தொடர்பாக வி.களத்தூர் போலீசார் வழக்குப்பதிவு செய்து விசாரணை நடத்தி வருகின்றனர்.