முதியவர் தற்கொலை

கொடைக்கானல் அருகே உள்ள பெருமாள்மலை பகுதியை சேர்ந்தவர் முத்துலிங்கம் (வயது 64). விவசாயி. இவர், உடல்நலக்குறைவால் அவதிப்பட்டு வந்தார். இதனால் மனம் உடைந்த இவர், நேற்று காலை தனது வீட்டில் தூக்குப்போட்டு தற்கொலைக்கு முயன்றார். இதைக்கண்ட முத்துலிங்கத்தின் மகன் மூர்த்தி, அவரை மீட்டு சிகிச்சைக்காக கொடைக்கானல் அரசு மருத்துவமனைக்கு கொண்டு சென்றார். அங்கு பரிசோதனை செய்த டாக்டர்கள், அவர் ஏற்கனவே இறந்து விட்டதாக தெரிவித்தனர். இதுகுறித்து கொடைக்கானல் போலீஸ் சப்-இன்ஸ்பெக்டர் பால் ஜெயசீலன் வழக்குப்பதிவு செய்து விசாரணை நடத்தி வருகிறார்.