மோட்டார் சைக்கிள் மோதி மூதாட்டி பலி

மணப்பாறை சேதுரெத்தினம் பகுதியை சேர்ந்தவர் சின்னம்மாள் (வயது 60). இவர் திருச்சி - திண்டுக்கல் தேசிய நெடுஞ்சாலையில் நொச்சி மேடு அருகே நடந்து சென்றார். அப்போது, அந்த வழியாக வந்த மோட்டார் சைக்கிள் அவர் மீது மோதியது. இதில் பலத்த காயம் அடைந்த அவரை அப்பகுதியினர் மீட்டு மணப்பாறை அரசு மருத்துவமனையில் சேர்த்தனர். அங்கு அவர் சிகிச்சை பலனின்றி உயிரிழந்தார். சம்பவம் தொடர்பாக மணப்பாறை போலீசார் வழக்குப்பதிவு செய்து விசாரணை நடத்தி வருகின்றனர்.