துப்பாக்கி சுடுதல் போட்டியில் நெல்லை சரக போலீஸ் டி.ஐ.ஜி. பிரவேஷ்குமாருக்கு 3 தங்கப்பதக்கம்

சென்னை மருதம் கமாண்டோ பயிற்சி பள்ளியில் மாநில அளவிலான போலீஸ் உயர் அதிகாரிகளுக்கான துப்பாக்கி சுடுதல் போட்டி நடந்தது. இதன் இறுதிப்போட்டியில் நெல்லை சரக போலீஸ் டி.ஐ.ஜி. பிரவேஷ்குமார், பிஸ்டல் பிரிவில் தங்கப்பதக்கம், ரைபிள் பிரிவில் தங்கப்பதக்கம் பெற்றார். இந்த 2 போட்டிகளிலும் ஒட்டுமொத்த சாம்பியனுக்கான தங்கப்பதக்கமும் பெற்றார்.

3 தங்கப்பதக்கங்களை பெற்ற நெல்லை சரக போலீஸ் டி.ஐ.ஜி. பிரவேஷ்குமாருக்கு, போலீஸ் டி.ஜி.பி. சைலேந்திரபாபு தங்கப் பதக்கத்தையும், பாராட்டு சான்றிதழையும் வழங்கி கவுரவித்தார்.