சத்தி அருகேசிறுமிக்கு பாலியல் தொல்லை;போக்சோவில் தொழிலாளி கைது

சத்தியமங்கலம்

ஈரோடு மாவட்டம் சத்தியமங்கலம் அருகே உள்ள புஞ்சைபுளியம்பட்டி பகுதியை சேர்ந்தவர் குமார் (வயது 37). கட்டிட தொழிலாளி. இவர் அதே பகுதியை சேர்ந்த 6 வயது சிறுமியை நேற்று தனது வீட்டுக்கு அழைத்ததாக கூறப்படுகிறது. பின்னர் சிறுமிக்கு பாலியல் தொல்லை கொடுத்துள்ளார். இதனால் சிறுமி அங்கிருந்து தனது வீட்டுக்கு சென்று நடந்ததை தனது பெற்றோரிடம் கூறினார். உடனே அவர்கள் இது குறித்து சத்தியமங்கலம் மகளிர் போலீஸ் நிலையத்தில் புகார் கொடுத்தனர். அதன்பேரில் போலீஸ் இன்ஸ்பெக்டர் இந்திராணி சோபியா போக்சோ சட்டத்தின் கீழ் வழக்கு பதிவு செய்து குமாரை கைது செய்தார்.