பெரியகுளம் அருகேஓடையில் சிக்கிய கடமான் மீட்பு

பெரியகுளம் அருகே கைலாசப்பட்டி பகுதியில் கைலாசநாதர் கோவிலுக்கு செல்லும் வழியில் ஓடை ஒன்று உள்ளது. இந்த ஓடையில் நேற்று முன்தினம் 1 வயது கடமான் சிக்கி தவித்தது. இதை அந்த வழியாக சென்ற பொதுமக்கள் பார்த்தனர். அவர்கள் தீயணைப்பு நிலையத்திற்கு தகவல் தெரிவித்தனர். அதன்பேரில் தீயணைப்பு நிலைய அலுவலர் (பொறுப்பு) தர்மராஜன் தலைமையில் தீயணைப்பு வீரர்கள் சம்பவ இடத்திற்கு சென்றனர். இதையடுத்து அவர்கள் ஓடையில் சிக்கி தவித்த கடமானை பத்திரமாக மீட்டனர். பின்னர் வனவர் ஆனந்தபிரபுவிடம் கடமான் ஒப்படைக்கப்பட்டது. அவர் மானை வனப்பகுதியில் விட்டார்.