பங்களாப்புதூர் அருகேரேஷன் அரிசி கடத்திய 2 பேர் கைது

பங்களாப்புதூர் அருகே ரேஷன் அரிசி கடத்திய 2 பேரை போலீசார் கைது செய்தனர்.

640 கிலோ ரேஷன் அரிசி

பங்களாப்புதூர் அருகே உள்ள கொண்டையம்பாளையம் பகுதியில், குடிமைப்பொருள் குற்றப்புலனாய்வு பிரிவு போலீஸ் இன்ஸ்பெக்டர் பன்னீர் செல்வம் உத்தரவின்பேரில் போலீசார் நேற்று வாகன சோதனையில் ஈடுபட்டனர். அப்போது அந்த வழியாக வந்த சரக்கு வேன் ஒன்றை தடுத்து நிறுத்தி சோதனை செய்தனர். அதில் 16 மூட்டைகளில் 640 கிலோ ரேஷன் அரிசியை கடத்தி வந்தது தெரியவந்தது. இதைத்தொடர்ந்து வேனில் வந்தவர்களிடம் போலீசார் விசாரணை நடத்தினர்.

2 பேர் கைது

விசாரணையில் அவர்கள் பவானி மண் தொழிலாளர் வீதியை சேர்ந்த முருகன் (வயது 28), கல் தொழிலாளர் வீதியை சேர்ந்த பிரபாகரன் (33) ஆகியோர் என்பது தெரியவந்தது. இதையடுத்து, போலீசார் வழக்கு பதிவு செய்து அவர்கள் இருவரையும் கைது செய்து கோபியில் உள்ள சிறையில் அடைத்தனர். மேலும் அவர்கள் கடத்தி வந்த 640 கிலோ ரேஷன் அரிசி, கடத்தலுக்கு பயன்படுத்தப்பட்ட வாகனம் ஆகியவற்றையும் பறிமுதல் செய்தனர்.