குளத்தில் மூழ்கி மெக்கானிக் சாவு

சிக்கல்:

நாகை அருகே சங்கமங்கலம் ஊராட்சி, தாமரைகுளத் தெருவை சேர்ந்தவர் முருகேசன் (வயது 50). இவர் நாகையில் படகு மெக்கானிக்காக வேலை பார்த்து வந்தார். இந்த நிலையில் நேற்று முன்தினம் குளிப்பதற்கு அருகில் உள்ள மாரியம்மன் கோவில் குளத்திற்கு முருகேசன் சென்றுள்ளார். பின்னர் அவர் வீட்டுக்கு திரும்பி வரவில்லை. இதை தொடர்ந்து அவரது உறவினர்கள் குளத்தில் இறங்கி தேடி முருகேசனை மீட்டனர். பின்னர் அவரை சிகிச்சைக்காக நாகை அரசு மருத்துவக்கல்லூரி ஆஸ்பத்திரிக்கு கொண்டு சென்றனர். அங்கு அவரை பரிசோதனை செய்த டாக்டர்கள் வரும் வழியில் முருகேசன் இறந்து விட்டதாக தெரிவித்தனர். இதுதொடர்பாக கீழ்வேளூர் போலீசார் வழக்குப்பதிவு செய்து குளிக்க சென்ற முருசேன் தவறி குளத்தில் விழுந்து இறந்தாரா? என விசாரணை நடத்தி வருகின்றனர்.