பள்ளி மாணவிக்கு திருமணம்:தாய் உள்பட 4 பேர் மீது வழக்கு

பெரியகுளம் அருகே உள்ள ஜல்லிப்பட்டியை சேர்ந்தவர் ஜெகதீஷ் (வயது 24). இவர் ஒரு அரசு பள்ளியில் 9-ம் வகுப்பு படித்து வந்த 14 வயது மாணவியை காதலித்துள்ளார். அந்த மாணவியும் அவரை காதலித்ததாக கூறப்படுகிறது. இதை அறிந்த இருவீட்டாரும் அவர்களுக்கு திருமணம் செய்து வைத்தனர். இந்த இளம்வயது திருமணம் குறித்து தகவல் அறிந்ததும் தேனி அனைத்து மகளிர் போலீசார் சம்பந்தப்பட்ட மாணவியிடம் விசாரணை நடத்தினர்.

அப்போது இளம்வயது திருமணம் நடந்திருப்பது உறுதியானது. இதுகுறித்து பாதிக்கப்பட்ட மாணவி கொடுத்த வாக்குமூலத்தின் பேரில், ஜெகதீஷ், அவருடைய தாய் ஒச்சம்மாள் மற்றும் சிறுமியின் தாய் உள்பட 4 பேர் மீது தேனி அனைத்து மகளிர் போலீசார் வழக்குப்பதிவு செய்து விசாரணை நடத்தி வருகின்றனர்.