மது அருந்த பணம் கேட்டு வாலிபரை மிரட்டியவர் கைது

மேற்குவங்க மாநிலம் தெற்கு சாகிப்பகுதியை சேர்ந்தவர் மிரின்மாட்ரான்ஸ்பர்(வயது 21). இவர் திருமாநிலையூர் பகுதியில் தங்கியிருந்து கூலிவேலை செய்து வருகிறார். இந்நிலையில் சம்பவத்தன்று இவர் அப்பகுதியில் நின்று கொண்டு இருந்தார். அப்போது அந்த வழியாக வந்த வன்னியம்மன் கோவில் தெருவை சேர்ந்த சேது(25) என்பவர் மது அருந்துவதற்காக மிரின்மாட்ரான்ஸ்பரிடம் பணம் கேட்டுள்ளார். அதற்கு அவர் பணம் தர மறுத்துள்ளார். இதையடுத்து சேது கத்தியை காட்டி மிரட்டி பணம் பறிக்க முயன்றுள்ளார். இதுகுறித்து மிரின்மாட்ரான்ஸ்பர் கொடுத்த புகாரின் பேரில் கரூர் டவுன் போலீசார் வழக்குப்பதிவு செய்து சேதுவை கைது செய்து விசாரணை நடத்தி வருகின்றனர்.