கால்நடை விழிப்புணர்வு முகாம்

முத்துப்பேட்டை:

முத்துப்பேட்டை அருகே உதயமார்த்தாண்டபுரம் கால்நடை ஆஸ்பத்திரி வளாகத்தில் கால்நடை பராமரிப்பு துறை சார்பில் அஸ்காட் திட்டம் 2021 -2022-ன் மூலம் முத்துப்பேட்டை ஒன்றியத்தில் ஒன்றிய அளவில் உள்ள விவசாயிகளுக்கான கால்நடை விழிப்புணர்வு முகாம் நடைபெற்றது. முகாமை மண்டல இணைய இயக்குனர் டாக்டர் ஹமீது அலி தொடங்கி வைத்து பேசினார். மன்னார்குடி கோட்டை உதவி இயக்குனர் டாக்டர் ராமலிங்கம் முன்னிலை வகித்தார். முகாமில் கலந்துகொண்ட 50-க்கும் மேற்பட்ட கால்நடை வளர்க்கும் விவசாயிகளுக்கு, கால்நடைகளை தாக்கும் நோய்கள் அதனை தடுக்கும் முறைகள் குறித்து விரிவாக எடுத்துக்கூறினர். இந்த முகாமில், ஆர்வமுள்ள விவசாயிகளிடமிருந்து விவசாய கடன் அட்டைக்கான விண்ணப்பங்கள் பெறப்பட்டது. முகாமில் டாக்டர் மகேந்திரன் தலைமையிலான மருத்துவ குழுவினர் வேப்பஞ்சேரி டாக்டர் ராஜேஷ் மற்றும் கால்நடை ஆய்வாளர் நிர்மலா, கால்நடை பராமரிப்பு உதவியாளர் மகாலட்சுமி மாதவன் ஆகியோர் கலந்து கொண்டு இதற்கான ஏற்பாடுகளை செய்து இருந்தனர்.