மது விற்றவர் கைது

சிவகிரி:

சிவகிரி போலீஸ் சப்-இன்ஸ்பெக்டர் சஜிவ் தலைமையில் போலீசார் சிவகிரி அருகே விஸ்வநாதபேரியில் ரோந்து பணியில் ஈடுபட்டிருந்தனர். அப்போது மோட்டார் சைக்கிளில் மதுபாட்டில்களை விற்பனை செய்து கொண்டிருந்த ஒருவர் போலீசாரை பார்த்ததும் தப்பியோட முயன்றார். அவரை போலீசார் பிடித்து விசாரணை நடத்தினர்.

அதில் அவர் விஸ்வநாதப்பேரி மேட்டுப்பட்டியை சேர்ந்த விநாயகமூர்த்தி (வயது 60) என்பது தெரியவந்தது. இதையடுத்து அவரை போலீசார் கைது செய்து, மோட்டார் சைக்கிள், 150 மதுபாட்டில்களை பறிமுதல் செய்தனர்.