கொண்டலாம்பட்டி அருகே லாரி மோதி தொழிலாளி சாவு

கொண்டலாம்பட்டி,

சேலம் கொண்டலாம்பட்டி அருகே உள்ள காட்டூர் அழகு நகரை சேர்ந்தவர் சண்முகவேல் (வயது 50). மூட்டை தூக்கும் தொழிலாளி. இவரும், இவரது வீட்டின் அருகே உள்ள ராஜா, இவருடைய மனைவி செல்வி ஆகிய 3 பேரும், இளம்பிள்ளை சென்று விட்டு வீட்டுக்கு மோட்டார் சைக்கிளில் திரும்பி கொண்டிருந்தனர். கொண்டலாம்பட்டி ரவுண்டானாவில் டிப்பர் லாரி ஒன்று மோட்டார் சைக்கிள் மீது மோதியது. இதில் கீழே விழுந்து சண்முகவேல், செல்வி ஆகியோர் படுகாயம் அடைந்தனர். அவர்கள் 2 பேரும் சிகிச்சைக்காக சேலம் அரசு ஆஸ்பத்திரிக்கு அனுப்பி வைக்கப்பட்டனர். ஆனால் செல்லும் வழியில் சண்முகவேல் பலியானார். செல்விக்கு தீவிர சிகிச்சை அளிக்கப்பட்டு வருகிறது.