சாலையில் கிடந்த பணத்தை ஒப்படைத்த ஓய்வு பெற்ற போலீஸ்காரருக்கு பாராட்டு

மதுரை தல்லாகுளத்தை சேர்ந்தவர் நவநீதகிருஷ்ணன். கடந்த 26-ந்தேதி மோட்டார் சைக்கிளில் வெளியே சென்றபோது தபால்தந்தி நகருக்கு செல்லும் வழியில் அவர் வைத்திருந்த ரூ.36 ஆயிரத்து 500 தவறி விழுந்தது. அவர் சென்ற வழியில் தேடிப்பார்த்தும் பணம் கிடைக்கவில்லை. உடனே அவர் தல்லாகுளம் போலீஸ் நிலையத்தில் புகார் செய்தார். அதன் பேரில் போலீசார் வழக்குப்பதிவு செய்து விசாரணை நடத்தினர். இந்தநிலையில் ஓய்வு பெற்ற போலீஸ் ஏட்டு பொன்னுராஜ் என்பவர் ரோட்டில் கிடந்த பணத்தை பார்த்து அதனை தல்லாகுளம் போலீஸ் நிலையத்தில் ஒப்படைத்தார். போலீசார் விசாரித்த போது அது நவநீதகிருஷ்ணன் தவற விட்ட பணம் என்பது தெரியவந்தது. பின்னர் போலீசார் அவரிடம் பணத்தை ஒப்படைத்தனர். மேலும் தவற விட்ட பணத்தை கண்டெடுத்து ஒப்படைத்த ஓய்வு பெற்ற போலீஸ்காரர் பொன்னுராஜை, தல்லாகுளம் போலீஸ் உதவி கமிஷனர் ஜெகன்நாதன் பாராட்டினார்.