நெல்லிக்குப்பத்தில் தொழிலாளியை கத்தியால் வெட்டியவர் கைது

நெல்லிக்குப்பம், 

நெல்லிக்குப்பத்தை சேர்ந்தவர் முரசொலி மாறன் (வயது 40). தொழிலாளி. இவருக்கும் அதே பகுதியை சேர்ந்த சவுந்தர பாண்டியன் (49) என்பவருக்கும் இடையே முன்விரோதம் இருந்து வந்துள்ளது. சம்பவத்தன்று வான்பாக்கம் பகுதியில் முரசொலி மாறன் நடந்து சென்று கொண்டிருந்தபோது, பின்னால் சைக்கிளில் வந்த சவுந்தரபாண்டியன் அவரை வெட்டி கொலை மிரட்டல் விடுத்தார். இதில் பலத்த காயமடைந்த முரசொலி மாறன் கடலூர் அரசு மருத்துவமனையில் சிகிச்சை பெற்று வருகிறார். இதுகுறித்து நெல்லிக்குப்பம் போலீசார் சவுந்தரபாண்டியன் மீது வழக்குப்பதிவு செய்து அவரை கைது செய்தனர்.