'இந்தியா என்ற வார்த்தை நமது ரத்தத்தில் கலந்துள்ளது; அதை மாற்ற முயல்வது கண்டிக்கத்தக்கது' - பிரேமலதா விஜயகாந்த்

மாயிலாடுதுறை,

இந்தியா என்ற பெயரை மாற்றுவதாக கூறுவது கண்டிக்கத்தக்கது என்று தே.மு.தி.க. பொருளாளர் பிரேமலதா விஜயகாந்த் தெரிவித்தார்.

இது குறித்து மயிலாடுதுறையில் செய்தியாளர்களிடம் பேசிய போது அவர் கூறியதாவது;-

"இந்தியாவின் பெயரை பாரத் என்று மாற்றுவது தவறான முன்னுதாரணமாகிவிடும். ஏனெனில் 75 ஆண்டு காலமாக இந்தியா என்ற வார்த்தை நம் ஒவ்வொருவரின் மனதிலும், ரத்தத்திலும் கலந்துள்ளது. ஒரு குழந்தைக்கு ஒரு பெயரை வைத்துவிட்டு, 2 வருடங்கள் கழித்து வேறு பெயரால் அழைத்தால் அந்த குழந்தை திரும்பிக்கூட பார்க்காது. இந்த நிலையில் ஒரு நாட்டின் பெயரை அவ்வளவு சுலபமாக மாற்றுவோம் என்று கூறுவது நிச்சயமாக கண்டிக்கத்தக்கது."

இவ்வாறு பிரேமலதா விஜயகாந்த் தெரிவித்தார்.