போடியில்வீட்டுக்குள் புகுந்த பாம்பு

போடி வ.உ.சி. நகர் ஒருகால் பாதை பகுதியை சேர்ந்தவர் மகாலிங்கம். இவரது வீட்டில் நேற்று காலை பாம்பு ஒன்று புகுந்தது. இதை கண்டு அதிர்ச்சி அடைந்த அவர் போடி தீயணைப்பு நிலையத்திற்கு தகவல் கொடுத்தார். சம்பவ இடத்திற்கு தீயணைப்பு நிலைய அலுவலர் சக்திவேல் தலைமையிலான தீயணைப்பு வீரர்கள் விரைந்து வந்தனர். பின்னர் சுமார் ½ மணி நேரம் போராடி வீட்டுக்குள் பதுங்கியிருந்த பாம்பை பிடித்தனர். பிடிபட்டது சுமார் 7 அடி நீள சாரை பாம்பு ஆகும். இதையடுத்து அந்த பாம்பை தீயணைப்பு வீரர்கள் வனப்பகுதியில் விட்டனர்.