இளம்பெண் தூக்குப்போட்டு தற்கொலை

திருவண்ணாமலை மாவட்டம் ஆரணி கொசப்பாளையம் குங்குலியர் தெருவை சேர்ந்தவர் கன்ராயன் என்கிற சந்தோஷ் (வயது 25). இவர், அதே பகுதியை ேசர்ந்த பரமேஸ்வரி (20) என்பவரை காதலித்து கடந்த 2018-ம் ஆண்டு திருமணம் செய்து கொண்டார். இவர்களுக்கு தற்போது 6 மாதத்தில் தர்ஷன் என்ற ஆண் குழந்தை உள்ளது.

இந்த நிலையில் கன்ராயன், செய்யாறு தாலுகா பகுதியை சேர்ந்த பெண்ணை காதலித்து முதல் மனைவிக்கு தெரியாமல் 2-வது திருமணம் செய்துள்ளார். இதனையடுத்து போலீசார் கன்ராயனை போக்சோவில் கைது செய்து சிறையில் அடைத்தனர். இதனால் விரக்தியில் இருந்த பரமேஸ்வரி வீட்டில் தூக்குப்போட்டு தற்கொலை செய்து கொண்டார். இதுகுறித்து ஆரணி டவுன் போலீஸ் சப்-இன்ஸ்பெக்டர் ரகு வழக்குப்பதிவு செய்தார்.

தற்கொலை செய்து கொண்ட பரமேஸ்வரிக்கு திருமணமாகி 5 ஆண்டுகளே ஆவதால் ஆரணி உதவி கலெக்டர் எம்.தனலட்சுமி மேல் விசாரணை நடத்தி வருகிறார்.