புதுமைப் பெண் திட்டத்தில் முதலாம் ஆண்டு மாணவிகளும் விண்ணப்பிக்கலாம்

புதுமைப் பெண் திட்டத்தில் முதலாம் ஆண்டு மாணவிகளும் விண்ணப்பிக்கலாம் என அறிவிக்கப்பட்டுள்ளது.

திருப்பத்தூர் மாவட்ட கலெக்டர் அமர் குஷ்வாஹா வெளியிட்டுள்ள செய்தி குறிப்பில் கூறியிருப்பதாவது:-

அரசுப் பள்ளிகளில் 6-ம் வகுப்பு முதல் பிளஸ்-2 வரை படித்து, மேல்படிப்பு, தொழில்நுட்ப படிப்பு பயிலும் மாணவிகளுக்கு மாதந்தோறும் ரூ.1000 வழங்கும் புதுமை பெண் திட்டம் தமிழக முதல்-அமைச்சரால் தொடங்கப்பட்டது. இதுவரை 2, 3, 4-ம் ஆண்டில் பயிலும் ஒரு லட்சத்து 13 ஆயிரம் மாணவிகள் இத்திட்டத்தில் உதவித்தொகையை பயன்பெற்று வந்தார்கள்.

முதலாம் ஆண்டு படிக்கும் மாணவிகளும் இந்த திட்டத்தில் விண்ணப்பிக்கலாம் என அறிவிக்கப்பட்டுள்ளது.மாணவிகளும் இந்த திட்டத்தில் விண்ணப்பிக்கலாம் என அறிவிக்கப்பட்டுள்ளது.

அதன்படி விருப்பம் உள்ள முதலாம் ஆண்டு படிக்கும் மாணவிகள் https://www.pudhumaipenn.tn.gov.in எனள்ற இணையதள முகவரியில் விண்ணப்பிக்கலாம்.

அரசுப் பள்ளிகளில் பயின்ற மாணவிகள் மட்டுமே இத்திட்டத்திற்கு தகுதியானவர்கள். மாணவிகள் தங்கள் கல்வி நிறுவனங்கள் மூலமாக மட்டுமே விண்ணப்பம் செய்ய வேண்டும். நேரடியாக விண்ணப்பிக்க கூடாது.

விண்ணப்பிக்கும் முறை மற்றும் தகுதி வரம்பு குறித்து அனைத்து மாணவிகளுக்கும் கல்வி பயிலும் நிறுவனங்களில் வருகிற 11-ந் தேதி வரை சிறப்பு முகாம்கள் நடத்தப்படும். மாணவிகள் தவறாமல் அவர்களுடைய ஆதார் அட்டை, மாற்றுச் சான்றிதழ் சமர்ப்பிக்க வேண்டும்.

மேலும் விண்ணப்பம் பூர்த்தி செய்யும் முறையில் மாணவிகளுக்கு சந்தேகங்கள் ஏதும் இருப்பேன் சமூக நல இயக்குனரக அலுவலகத்தில் திங்கள் முதல் வெள்ளி வரை அலுவலக நேரத்தில் 9150056809, 9150056805, 9150056801, 9150056810 என்ற எண்களில் தொடர்பு கொள்ளலாம். mraheas@gmail.com என்ற முகவரிக்கு மின்னஞ்சல் அனுப்பலாம்.

திருப்பத்தூர் மாவட்டத்தில் மாவட்டத்தில் மேல் படிப்பு மற்றும் தொழில்நுட்பப் படிப்புகளில் முதலாம் ஆண்டு பயிலும் தகுதி வாய்ந்த மாணவிகள் அனைவரும் இத்திட்டத்திற்கான விண்ணப்பம் முறையினை சரியாக தெரிந்து கொண்டு, கடைசி தேதிக்கு முன்பாக தவறாமல் விண்ணப்பித்து பயன்பெறலாம்.

இவ்வாறு அதில் கூறப்பட்டுள்ளது.