விவசாயிகள் தரையில் மண்டியிட்டு போராட்டம்

சுல்தான்பேட்டை

கொப்பரை தேங்காயை கிலோ ரூ.140-க்கு கொள்முதல் செய்ய வேண்டும். ரேஷன் கடைகளில் பாமாயிலுக்கு பதிலாக தேங்காய் எண்ணெய் விற்பனை செய்ய வேண்டும் என்பன உள்பட 10 அம்ச கோரிக்கைகளை வலியுறுத்தி சுல்தான்பேட்டை ஒன்றியம் பச்சார்பாளையம் கிராமத்தில் தமிழக விவசாயிகள் பாதுகாப்பு சங்கத்தினர் தொடர் காத்திருப்பு போராட்டத்தில் ஈடுபட்டுவருகின்றனர். இந்த நிலையில் 19-வது நாளான நேற்று விவசாயிகள் தங்களது கோரிக்கைகளை நிறைவேற்ற வலியுறுத்தி தரையில் மண்டியிட்டு போராட்டம் நடத்தினர். இதில் விவசாயிகள் மற்றும் பொதுமக்கள் பலர் கலந்துகொண்டனர்.