மின்னல் தாக்கி விவசாயி பலி

ராணிப்பேட்டை மாவட்டம் நெமிலி மற்றும் ரெட்டிவலம், சிறுணமல்லி, சயனபுரம், கீழ்வீதி, பனப்பாக்கம், திருமால்பூர் ஆகிய பகுதிகளில் பலத்த காற்று, இடி, மின்னலுடன் கனமழை பெய்தது.

நெமிலியை அடுத்த சயனபுரம் கிராமம் பெரிய தெருவை சேர்ந்தவர் ராஜேந்திரன் (43), விவசாயி. இவர் தனது நிலத்தில் விவசாய பணிகளை செய்து கொண்டிருந்த போது எதிர்பாராதவிதமாக மின்னல் தாக்கி சம்பவ இடத்திலேயே பரிதாபமாக இறந்தார்.

இதுகுறித்து தகவல் அறிந்த நெமிலி போலீசார் சம்பவ இடத்திற்கு விரைந்து வந்து பிணத்தை கைப்பற்றி பிரேத பரிசோதனைக்காக அரக்கோணம் அரசு மருத்துவமனைக்கு அனுப்பி வைத்தனர். மேலும் போலீசார் வழக்குப்பதிவு செய்து விசாரணை நடத்தி வருகின்றனர்.

இந்த சம்பவம் அந்த பகுதியில் பெரும் பரபரப்பை ஏற்படுத்தியது.