பாம்பு கடித்து விவசாயி சாவு

திருவண்ணாமலை மாவட்டம் ஆரணியை அடுத்த சதுப்பேரி கிராமத்தை சேர்ந்தவர் முனியன் (வயது 47), விவசாயி. இவர், கடந்த 22-ந்தேதி தனது விவசாய நிலத்திற்கு தண்ணீர் பாய்ச்சுவதற்காக சென்றார். அங்கு அவரை பாம்பு கடித்து மயங்கிய நிலையில் கிடந்தார்.

உடனே அந்த பகுதியில் இருந்தவர்கள் அவரை மீட்டு சிகிச்சைக்காக ஆரணி அரசு மருத்துவமனையிலும், பின்னர் அங்கிருந்து மேல் சிகிச்சையாக வேலூர் அடுக்கம்பாறை அரசு மருத்துவமனையிலும் சேர்க்கப்பட்டார். ஆனால் அங்கு சிகிச்சை பலனின்றி பரிதாபமாக உயிரிழந்தார்.

இதுகுறித்த புகாரின் பேரில் களம்பூர் போலீஸ் சப்-இன்ஸ்பெக்டர் விநாயகம் வழக்குப்பதிவு செய்து விசாரணை நடத்தி வருகிறார்.