ஈரோடு, சென்னிமலையில் இடி-மின்னலுடன் மழை

ஈரோட்டில் நேற்று காலை வழக்கம்போல் வெயில் அடித்தது. அதைத்தொடர்ந்து இரவில் வானில் கருமேகங்கள் தோன்றின. பின்னர் இரவு 10 மணி அளவில் இடி -மின்னலுடன் மழை பெய்ய தொடங்கியது. இந்த மழை 30 நிமிடங்கள் பெய்தது. அப்போது பலத்த சூறாவளி காற்றும் வீசியது. இதன் காரணமாக மாநகர் பகுதியில் பல்வேறு இடங்களில் மின் இணைப்பு துண்டிக்கப்பட்டது. மேலும் பலத்த காற்று வீசியதால் இருசக்கர வாகனங்களில் சென்றவர்கள் தடுமாறினார்கள்.

இதேபோல் சென்னிமலையில் நேற்று இரவு 10.30 மணியளவில் இடி-மின்னலுடன் சுமார் ½ மணி நேரம் பலத்த மழை பெய்தது. இதனால் ரோடுகளில் வெள்ளம் பெருக்கெடுத்து ஓடியது. அதேபோல் சென்னிமலையை சுற்றியுள்ள கிராமங்களிலும் பலத்த காற்றுடன் பரவலாக மழை பெய்தது.